એક તપેલીમાં દૂધ લઈ ગરમ કરવા મૂકો. તેમાં ખાંડ નાખો. ખાંડ ઓગળી જાય એટલે ફ્રેશ મલાઈ/ક્રીમ/માવો નાખી ગેસ બંધ કરી દો.

હવે વરીયાળીને અધકચરી ખાંડી લો. એક બાઉલમાં ઘઉંનો લોટ, રવો, ખાંડેલી વરીયાળી લઈ સરસ મીકસ કરી દો.

આ મીશ્રણને ગળ્યા દૂધમાં એડ કરતા જાઓને હલાવતા રહો. ભજીયાના ખીરા જેવુ ઘટ્ટ થશે. ગાંઠા ન પડે તેનુ ધ્યાન રાખો. બધુ સરસ મીકસ થઈ જાય એટલે માલપુઆનુ બેટર તૈયાર છે. તેને ૧૦ મીનીટ રેસ્ટ આપો.

એક પેનમાં ઘી ગરમ કરવા મૂકો ને ગરમ થઈ જાય એટલે તેમા થોડુ બેટર રેડી દો. તે જાતે જ પુડા જેવુ થઈ જશે.

સાઈડ ફેરવી સરસ ગુલાબી પાંદડી પડે એટલે નીચે ઉતારી લો. આવી જ રીતે બધા માલપુઆ બનાવી બદામ પીસ્તાની કતરણથી સજાવી લો. તો તૈયાર છે સ્વીટ & ટેસ્ટી માલપુઆ. તે રબડ્ડી સાથે સરસ લાગે છે.