સૌ પ્રથમ ખીરું બનાવવા એક બાઉલ માં બેસન,હીંગ,હળદર,લાલ મરચું પાવડર,અજમો,સ્વાદાનુસાર મીઠું અને જરૂર મુજબ પાણી ઉમેરી બરાબર હલાવી ખીરું તૈયાર કરી ૧૦ મિનિટ રહેવા દો.

સ્ટફિંગ માટે એક બાઉલમાં છીણેલું ગાજર,ઝીણી સમારેલી ડુંગળી,કેપ્સિકમ,ટામેટું,છીણેલું પનીર,જીરું પાવડર,લાલ મરચું પાવડર,ચાટ મસાલો,સ્વાદાનુસાર મીઠું અને સમારેલા લીલા ધાણા ઉમેરી બધું બરાબર મીક્સ કરી લો.

નોનસ્ટિક તવો લઈ ગેસ ચાલુ કરી તવો ગરમ થાય એટલે ચમચા ની મદદ થી ખીરામાંથી તવા પર ચીલા પાથરી તેલ મૂકી શકવું એક સાઈડ માં તૈયાર કરેલ સ્ટફિંગ મૂકી બીજી બાજુ થી વાળી ને કવર કરી ચીલા તૈયાર કરવા.આજ રીતે ખીરા માંથી બધા ચીલા બનાવી લેવા.

તો તૈયાર છે પનીર ચીલા તેને ગરમ ગરમ લીલી ચટણી અને સોસ સાથે સર્વ કરવા.