સૌ પ્રથમ મગ ને ૧૨ કલાક પલાળી રાખવા.એક પેનમાં ઘી લઈ તેમાં શાહજીરું ઉમેરવું પછી સ્લાઈસ કરેલી ડુંગળી ઉમેરી સાંતળવી હવે પલાળેલા મગ ઉમેરી મીઠું,લાલ મરચું પાવડર,અને પાણી ઉમેરી હલાવી ઢાંકી ને ૩૦ મિનિટ ચડવા દેવા.મગ થોડા ચડી જાય અને ફાટી જાય એટલે તેમાં વલોની મારવી.ડુંગળી ની સ્લાઈસ ને તેલ માં બ્રાઉન કલર ની તળી લેવી.

એક પેન માં વઘાર માટે ઘી અને તેલ લઈ ગરમ મુકો તેમાં જીરું,લવિંગ,વઘાર ના મરચાં ઉમેરી સમારેલું લસણ ઉમેરી થોડું બ્રાઉન થાય એટલે ઝીણી સમારેલી ડુંગળી અને લીલા મરચા ઉમેરી સાંતળવું.

હવે હીંગ,લાલ મરચું પાવડર,ધાણા પાવડર,હળદર,તળેલી ડુંગળી,અને દહીં ઉમેરી સાંતળવું.

સરવિંગ બાઉલમાં કાઢી ઉપર લીલા ધાણા,ફુદીના અને તળેલી ડુંગળી થી ગાર્નિશ કરી ગરમ ગરમ રોટલી અને ભાત સાથે સર્વ કરવી.

તો તૈયાર છે શાહી મુગલાઈ લીલી મગ દાળ.