સૌપ્રથમ મોરૈયો અને સાબુદાણાને મિક્સર જારમાં લઈ ક્રશ કરી લો ત્યારબાદ તપેલીમાં કાઢી તેમાં રાજગરાનો લોટ મિક્સ કરી દહીં ઉમેરી જરૂર મુજબ પાણી નાખી બેટર તૈયાર કરો. એક કલાક માટે ઢાંકીને રાખી મૂકો.

હવે તેમાં આદુ મરચાની પેસ્ટ,તલ,હળદર, મરચું પાઉડર,ધાણાજીરું પાઉડર,ખાંડ ને દૂધની છીણ ઉમેરી બરાબર મિક્ષ કરી લો.

હવે ઢોકળિયામાં પાણી મૂકી ફુલ તાપે ગરમ થવા દો અને પ્લેટને તેલથી ગ્રીસ કરી લો. હવે બેટરમાં તેલ અને સોડા ઉમેરી એકદમ મિક્સ કરી લો અને પ્લેટમાં બેટર રેડી દો પ્લેટને ૧-૨ વાર ટેપ કરી ઢોકળીયામાં મૂકી દો અને ઢાંકી દો.ઉપર વજન મૂકી દસ મિનિટ બાદ ચેક કરી ઉતારી લો.

હવે વઘારીયા માં ઘી ગરમ મૂકો. ગરમ થાય એટલે તેમાં જીરૂં,મીઠા લીમડાના પાન અને તલ નાખી વઘાર કરી ઢોકળાની થાળીમાં ચમચીની મદદથી સ્પ્રેડ કરો અને ચા તથા ચટણી સાથે ગરમ-ગરમ ઢોકળા સર્વ કરો.