સૌપ્રથમ, બટાકા, રીંગણ ફ્લાવરને મોટા ટુકડામાં સમારી પાણીથી ધોઈ લો. પછી એક કુકરમાં બટાકા, ફલાવર, રીંગણ, વટાણા, મીઠું અને ૧ કપ પાણી ઉમેરી ૪ થી ૫ સીટી વગાડી લો.

હવે, એક કડાઈમાં તેલ અને બટર ગરમ કરી તેમાં ડુંગળી ઉમેરીને ૪-૫ મિનિટ સુધી સાંતળો. ત્યારબાદ તેમાં ટામેટાં, મરચાં, આદુની પેસ્ટ, લસણની પેસ્ટ ઉમેરીને મિક્સ કરી તેમાં હીંગ, પાઉંભાજીનો મસાલો, કાશ્મીરી લાલ મરચું, ધાણાજીરૂ, મીઠું અને કોથમીર ઉમેરીને ફરી સાંતળી લીધા બાદ મસાલામાંથી તેલ છૂટું પડે એટલે તેમાં ૧/૨ કપ પાણી ઉમેરીને ઉકળવા દો.

હવે, તેમાં બાફેલાં શાકભાજી ઉમેરીને બરાબર મિક્ષ કરો અને આ મિશ્રણ ને ૭ થી ૧૦ મિનિટ સુધી ફરી ઉકળવા દો. ત્યારપછી સ્મેશરની મદદથી બધુંજ સારી રીતે સ્મેશ કરી લો. હવે, ૧ ચમચી પાવભાજી મસાલો અને કોથમીર ઉમેરીને મિકસ લો અને ગેસ બંધ કરી દો.

હવે, પાઉંને હાર્ટશેપ કટરની મદદથી કટ કરી લો. એક તવી પર ૨ ચમચી બટર ગરમ કરી તેમાં સમારેલી કોથમીર, ૨ ચમચી તૈયાર કરેલી ભાજી, લાલમરચું પાવડર ઉમરી મિકસ કરી પાઉંને બંને બાજુ શેકી લો.

તૈયાર છે ગરમા ગરમ ભાજીપાઉં..

તેને લીંબુ, સલાડ અને છાશ સાથે સર્વ કરો.