જારા થી ખીરૂ રેડો. એક વખતે બહુ વધુ બુંદી ન પાડશો. તાસળામાં સમાય એટલી જ નાખો.

જો છીણીથી બુંદી પાડો તો છીણી પાંચ સેન્ટીમિટર ઉંચી રાખો. (સાણસીથી છીણી પકડી રાખો જેથી ગરમ ન લાગે. છીણી બહુ હલાવશો નહિ). વધુ કડક બુંદી કરશો નહિ.

નોંધ: દર નવા ઘાણ વખતે જારા કે છીણીનો પાછળનો ભાગ કપડાંથી બરાબર લુછવો.

ચાસણી બુંદી પાડતા પહેલા કરવી.ચાસણીની સામગ્રી ભેગી કરો.ચાસણી કોઈ તારની નથી કરવાની. અંગુઠા અને આંગળી વચ્ચે મુકતાં ચીકણી લાગે તેવી હોવી જોઈએ.ખાસ આ વાત ધ્યાનમાં લો.
ટીપુ મુકો ને ખસે નહિ અટલે બરાબર ચાસણી થઈ કહેવાય.
બહુ જાડી ચાસણી હશે તો બુંદીમાં ઉતરશે નહિ.ચાસણી બરાબર તપાસી લો.

ચાસણીમાં ૩-૪ ટીપાં લીંબુંન રસ નાખો જેથી જાડી ન થઈ જાય.

ગેસ બંધ કરો.મધ જેવી ચીકાસ લાગશે.

બરાબર ઠંડું થવા દો. ૨ કલાક ઢાંકણ ઢાંકી મુકી રાખો.લાડું બનાવતા પહેલા તપેલું થોડું ગરમ કરો (નવશેકું).બધીજ બુંદી ફુલી ગઈ હશે.૫-૬ ચમચી જેવું ઘી નાખો.

ઘી નાખવાથી લાડું ડ્રાય નહિ થાય.

પાણીવાળો હાથ કરી લાડું વાળો.

બદામ પીસ્તાની કતરણ ભભરાવો.