પહેલા બધી સામગ્રી તૈયાર કરી લેવી. પછી એક પેનમાં તેલ મૂકી તેલ ગરમ થાય એટલે તેમાં ડુંગળી નાખીને 2 મિનિટ સુધી સાંતળી લેવી.

ડુંગળી સંતળાઈ જાય પછી તેમાં કાજુ અને ટામેટા ઉમેરીને 2 મિનીટ સુધી તેલમાં સાંતળી લેવા.

ટામેટા સરસ થી મેશ થઈ જાય પછી તેમાં થોડું લાલ મરચું પાઉડર અને થોડું મીઠું નાખી અને મિક્સ કરી લેવું. ત્યારબાદ મિક્સરમાં આ કાજુ ટામેટા અને ડુંગળી નાખી અને તેની પેસ્ટ બનાવી લેવી.

પછી તે જ પેનમાં તેલ મૂકી તેલ ગરમ થાય એટલે તેમાં તમાલપત્ર, તજ લવિંગ અને આદુ-લસણ-મરચાંની પેસ્ટ થી વઘાર કરવો. એક મિનિટ સુધી આદુ લસણ અને મરચાની પેસ્ટ ને તેલમાં સાંતળી લેવી પછી તેમાં ડુંગળી ટામેટા કાજૂની પેસ્ટ ઉમેરવી.

ત્યારબાદ ગ્રેવીમાં કોર્ન અને બધો મસાલો નાખીને 10 મિનિટ સુધી ગ્રેવી ને ઢાંકીને કૂક થવા દેવી.

પછી તેમાં પનીર ઉમેરી બે મિનિટ સુધી ગેસ પર રહેવા દેવું.

પછી સબ્જીમાં બટર અને ખમણેલું ચીઝ ઉમેરી ગેસ બંધ કરી દેવો. પછી સબ્જી ને સર્વિંગ પ્લેટમાં લઈ તેમાં ખમણેલું ચીઝ સ્પ્રેડ કરી ને ગાર્નીશ કરવી.