સૌપ્રથમ બટાકા, આદુ-મરચાં, કોથમીર, લીમડાનાં પાન ને ધોઈ લો,બટાકા ને બાફી ને કટકા કરી લો, આદુ છીણી લો,ને કોથમીર- મરચાં ને ડુંગળી ના જીણા કટકાં કરી લો, શીંગદાણા ને શેકી ફોતરા ઉડાડી લો,લીંબુ નીચોવી ને રસ કાઢી રાખો.

પૌંઆ ને ધોઈ ને ચારણી માં રાખો.

હવે,ગેસ પર લોખંડ ની કઢાઈ રાખી મધ્યમ આંચ પર રાખી ને તેમાં તેલ ઉમેરો પછી તેમાં રાઈ ને મેથી દાણા ઉમેરો ને તતડે એટલે શીંગદાણા, મરચાં ના કટકાં, લીમડાનાં પાન અને તલ ઉમેરી સાંતળો,પછી તેમાં હળદર, મીઠું ને સાથે બાફેલા બટાકા ના કટકાં ઉમેરી ને બધું જ સરસ હલાવી લો ને એકાદ મિનિટ માટે સાંતળો.

પછી તેમાં પૌંઆ ઉમેરી ખાંડ ને લીંબુ નો રસ,ટામેટાં ના કટકા, કોથમીર ઉમેરી ને સરસ હલાવી લો....તૈયાર છે ગરમાગરમ 'બટાકા પૌંઆ'.

જીણી સેવ,જીણી કાપેલી ડુંગળી ને કોથમીર થી શણગારી ને વરીયાળી ના શરબત સાથે સર્વે કર્યું છે.