બંને લોટને એક વાસણમાં ભેગા કરી તેમાં બધા સુકા મસાલા ઉમેરી દેવા. ખાંડ અને પાણી ને ભેગા કરીને એક ઉભરો આવે ત્યાં સુધી ગરમ કરી ગેસ બંધ કરી દેવો. ખાંડ ને ઓગાળી લેવી.

ખાંડ ના પાણીનો ઉપયોગ કરીને લોટ બાંધી લેવો. હવે તેમાં 1 ટીસ્પૂન તેલ ઉમેરી બરાબર મસળી લેવો. લોટને ઢાંકીને પંદરથી વીસ મિનિટ માટે રહેવા દેવો.

લોટ ને ચાર એક સરખા ભાગમાં વહેંચીને તેમાંથી પાતળા લાંબા લૉગ બનાવી લેવા. તેને નાના ટુકડામાં કાપીને હાથ થી થોડા દબાવી લુવા બનાવી લેવા. હવે પાટલી પર થોડું તેલ લગાડીને મીડીયમ જાડાઈ ના થાપડા વણી લેવા.

કડાઈ માં મીડીયમ તાપે તેલ ગરમ કરવું. તેલ ગરમ થાય એટલે તેમાં થોડા થાપડા ઉમેરીને મીડીયમ તાપ પર ગોલ્ડન બ્રાઉન કલર ના તળી લેવા. થાપડા તેલમાં નાખીએ એટલે તરત ફુલવા જોઈએ. થોડા થાપડા ફુલે નહીં તો પણ ચિંતાનું કોઈ કારણ નથી કારણ કે ટેસ્ટમાં સરસ જ લાગે છે. થાપડા ઠંડા થતાં ક્રિસ્પી બને છે.