સૌપ્રથમ એક મિક્સિંગ બાઉલમાં મેથીની ભાજી, લસણ, છીણેલું આદુ, બારીક કટ કરેલ લીલા મરચાં મિક્સ કરો. હવે તેમાં મીઠું, મરી, ધાણાનો ભૂકો,ખાંડ, ગરમ મસાલો નાખી મિક્સ કરો. છેલ્લે તેમાં બેસન નાખી અને લોટ તૈયાર કરો. લીંબૂ અને ખાંડ નાખવાથી પાણી છૂટશે. આ લોટને 10 મિનિટ સુધી ઢાંકીને રહેવા દો.

હવે એક ફ્રાઈંગ પૅનમાં તેલ ગરમ કરવા મુકો. લોટનો થોડો થોડો હિસ્સો લઈ અને આવશ્યકતા અનુસાર પાણી નાખી મિક્સ કરી અને એ લોટમાંથી આંગળી અને અંગૂઠાની મદદથી નાના નાના ભજીયા પાડો. આ ભજીયાને ક્રિસ્પી તળી લેવા. તૈયાર છે કુંભણીયા ભજીયા ! આ ભજીયાને ડુંગળી,મરચાં, અને ચટણી સાથે સર્વ કરો.