સૌપ્રથમ પાલક,મેથીની ભાજી, કોથમીર, ફુદીનો, આદુ મરચાં લસણ, કાંદો બધાને ધોઈને સાફ કરી લો અને પછી તેને કાપી લો. બટાકાને બાફીને સ્મેશ કરી લો. બધી સામગ્રી તૈયાર કરી લો.

હવે એક વાસણમાં પાણી ગરમ કરવા મૂકો પાણી ઉકળવા લાગે પછી તેમાં પાલક ઉમેરો બે મીનીટ સુધી જ પાલકને ગરમ પાણી મારા રાખવી. પછી તેને તરત જ બરફવાળા ઠંડા પાણી માં નાખી દેવી. જેથી તેનો લીલો રંગ જળવાઈ રહે.પછી તેને ઠંડા પાણીમાંથી કાઢીને નિચોવીને કાપી લેવી.

હવે એક મિક્સર જારમાં કાપેલી પાલક, મેથી, ફુદીનો, કોથમીર,આદુ,મરચાં, લસણ અને લીંબુનો રસ નાખીને મિક્સરમાં પીસી લો પાણી નાખ્યા વગર પીસવું.

હવે મિક્સરમાં બધું પીસાઈ ગયું છે હવે એક કઢાઈમાં તેલ ગરમ મૂકી તેમાં જીરૂં લસણ અને કાંદો નાખો કાંદો ગુલાબી થાય પછી તેમાં પાલકની ભાજીનું મિક્સર ઉમેરો.

પછી બધું બરાબર હલાવી નાખો. હવે તેમાં હળદર મીઠું ધાણાજીરું અને આમચૂર પાઉડર નાખો.પછી તેમાં બાફેલા બટાકા નાખીને બધું હલાવી નાખો.

હવે એક વાસણમાં ૨ ચમચી ચણાનો લોટ ને ધીમા તાપે શેકી લો. લોટ શેકાઈ ગયા પછી આ ચણાના લોટને પાલક અને બટાકાના મિશ્રણમાં ઉમેરો. બધું બરાબર હલાવી નાખો જેથી કબાબ વાળતી વખતે તુટી ન જાય.

હવે કબાબ બનાવવા માટેનું સ્ટફિંગ તૈયાર કરીએ. સ્ટફિંગ માટે પનીર,કોથમીર, લીલા મરચાં,આમચૂર પાઉડર, જીરા પાઉડર, કાળા મરી પાઉડર,બધું મિક્સ કરીને સ્ટફિંગ તૈયાર છે.

હવે પાલક અને બટાકાના મિશ્રણમાંથી બોલ્સ બનાવીને તેમાં વચ્ચે સ્ટફિંગ નાખીને ભરી લો અને તેને ફરીથી વાળીને પેટીસ અથવા કબાબનો શેપ આપવો. પછી તેને રવામાં રગદોળીને પછી ગરમ કરેલા તેલમાં તેને તળી લો.

ઉપર જણાવ્યા મુજબ બધા કબાબ તૈયાર કરી લો અને ગરમ કરેલા તેલમાં તળીને ગરમાગરમ પીરસો.

હરા ભરા કબાબ બનીને તૈયાર છે. તેને ટોમેટો કેચપ સાથે સર્વ કરો.