સૌ પ્રથમ મગદાળની સારી રીતે ધોઈ બે-ત્રણ કલાક પલાળી રાખી પછી કોટનના કપડામાં કોરી કરી લેવી અને અધકચરી ક્રશ કરી લેવી..

એક બાઉલ માં લોટ લઇ તેમાં મીઠું અને હાથેથી મસળી અજમો અને મોણ નાખી બરાબર મિક્સ કરી બે ચમચી દહીં નાખી મિક્સ કરી પાણીથી લોટ બાંધી લેવો.1/2 કલાક ભીનુ કાપડ ઢાંકી રાખી દેવુ..

બધી સામગ્રી તૈયાર કરી લેવી.આખા ધાણા, વરિયાળી અને જીરુ અધકચરું ક્રશ કરી લેવું. તેમજ એક વાટકીમાં હળદર,મરચું, ગરમ મસાલો, ધાણાજીરું પાઉડર,મીઠું,સંચળ મિક્ષ કરી લેવું..

કડાઈમાં તેલ નાંખી ગરમ થાય એટલે ક્રશ કરેલા ધાણા વરીયાળી જીરૂ નાખી સાંતળો ત્યારબાદ ચણાનો લોટ બ્રાઉન કલરનો થાય ત્યાં સુધી શેકો.પછી તેમાં વાટકીમાં મિક્સ કરેલો મસાલો નાખી શેકો..

હવે ક્રસ કરેલ મગદાળ નાંખી બરાબર મિક્સ કરી ત્રણ ચાર મીનીટ શકો પછી તેમાં આમચૂર પાઉડર અને હિંગ ખાંડ તલ નાખી બરાબર મિક્સ કરી લેવું ગેસ બંધ કરી કિસમિસ અને કાજુના ટુકડા નાંખી બરાબર મિક્સ કરી દેવું..સ્ટફિંગ ના નાના ગોળા બનાવી લો.

હવે લોટને બરાબર મસળી એકસરખા ગોળા બનાવી પૂરી વણી વચ્ચે સ્ટફિંગ ભરી અને પેક કરી ફરી પાછો બોલો બનાવી વચ્ચેથી દબાવી દેવું આ રીતે બધી થેપલી બનાવી ભીના કાપડથી ઢાંકી રાખવી..

કડાઈમાં તેલ ગરમ કરવા મુકો.ગેસ ની ફલેમ લો રાખવી. લો ફલેમ પર જ બધી કચોરી ધીરે ધીરે નાખવી. જ્યારે કચોરી ઉપર આવે ત્યારે જ એને પલટાવવી અને બંને બાજુ બ્રાઉન રંગની તળી લેવી..

તો તૈયાર છે ગરમા ગરમ મગ ની દાળ ની કચોરી. ખજૂર આંબલી ની ચટણી ઝીણી સેવ સાથે સર્વ કરો.