સૌપ્રથમ એક કડાઈમાં તેલ ગરમ કરવા મૂકી ગરમ થાય એટલે તેમાં જીરાનો વઘાર કરી ડુંગળી અને લીમડો નાખી સોફ્ટ થાય ત્યાં સુધી શેકી બધા મસાલા નાખી શેકવા.

મસાલા શેકાઈ જાય એટલે બાફેલા બટાકાને મેશ કરીને નાખવા.બરાબર હલાવી મિક્સ કરી દેવું.બે મિનિટ બાદ લીલા ધાણા નાખી ગેસ બંધ કરી ઠંડું થવા દેવું.

એક વાસણમાં ચણાનો લોટ લઇ તેમાં મીઠું મરચું હળદર ધાણાજીરું નાખી જરૂર મુજબ પાણી નાખી બરાબર મિક્સ કરી ખીરુંતૈયાર કરી ૧૦ મિનિટ ઢાંકી રાખવું અને સ્ટફિંગ ઠંડુ થાય એટલે મરચાને ઊભો કાપ આપી સ્ટફિંગ ભરી લેવું.

હવેખીરામાં સોડા અને તેલ નાખી મિક્સ કરી મરચાને ખીરું માં માં ડીપ કરી ગરમ તેલમાં મિડીયમ તાપે તળી લેવા.

તો તૈયાર છે ભરેલા મરચા ના ભજીયા. તેને ચટણી, સોસ અને ચા સાથે સર્વ કરી સ્વાદિષ્ટ ભજીયા ની મજા માણો.