એક પેનમાં તેલ ગરમ કરીને ઝીણી સમારેલી ડુંગળી ઉમેરીને સાંતળો. ૩ મિનિટ પછી તેમાં લસણ અને આદુનાં ટુકડાં ઉમેરી ફરી ૫ મિનીટ સુધી સાંતળો. હવે, તેમાં ટામેટાં ઉમેરી મિક્સ કરી લો અને ટામેટાં નરમ થઈ જાય પછી ગેસ બંધ કરી દો.

પછી, મિશ્રણને બ્લેન્ડર જારમાં વાટી લો.

હવે, પનીર ધોઈ તેને ત્રિકોણ આકારમાં કાપી લો. પેનમાં તેલ ગરમ કરીને પનીરને માત્ર ૨ મિનિટ માટે તળીને તરત જ નવશેકા મીઠા વાળા પાણીમાં પલાળી રાખો.

પછી, કડાઈ ગરમ કરીને માખણ ઉમેરી તેમાં પેસ્ટ ઉમેરીને ૫ થી ૬ મિનિટ સુધી સાંતળો. પછી તેમાં ધાણા પાઉડર, કિચન કિંગ મસાલો, લાલ મરચું પાઉડર અને મીઠું ઉમેરીને સારી રીતે મિક્સ કરો અને બીજી ૩ મિનિટ માટે સાંતળી તેમાં ૧ ગ્લાસ પાણી ઉમેરી બરાબર મિક્સ કરી લો.

ગ્રેવી ઊકળે પછી તેમાં પનીર, વટાણા અને કસૂરી મેથી ઉમેરો ૧૦ મિનિટ ઢાંકીને ચડવા દો અને પછી ગેસ બંધ કરી દો.