સૌથી પહેલાં ચણા ને ફોલી ને એક વાસણમાં મીઠું નાખી બાફી લો, લીલી ડુંગળી ને સમારી ધોઈ લો, ટામેટાં ક્રશ કરી લો

લસણની ચટણી બનાવવા માટે લસણ, મરચું, મીઠું, થોડું ધાણાજીરું નાખી ને ખલ માં વાટી લો, એક કઢાઈમાં તેલ ‌વઘાર માટે ગરમ કરો, તેમાં, રાઇ જીરું હીંગ હળદર, તજ લવિંગ, તજપત્ર નાખી ૧ મિનિટ સુધી સાંતળો પછી લીલી ડુંગળી નાખીને ૩ મિનિટ જેવુ સાંતળો, પછી ટામેટાં ની પ્યોરી નાખી મીઠું ઉમેરો સતત હલાવતા રહો,

તેલ છુટું પડે એટલે કોરા મસાલા ઉમેરી બરાબર મિક્સ કરો અને ૧ કપ જેટલું પાણી ઉમેરીને બરાબર ઉકળે એટલે બાફેલા ચણા ઉમેરો ૫ મિનિટ સુધી ઉકળવા દો, મસાલા સરસ મિક્સ થઈ જાય એટલે તૈયાર થયેલ શાક ને સર્વ કરો, ખૂબ જ સ્વાદિષ્ટ લાગે છે