સૌપ્રથમ લીલા ચણા ની ઉકળતા પાણીમાં 1 ટી સ્પૂન મીઠું અને 1 ટી સ્પૂન ખાંડ નાખીને બાફી લેવા. અને તે પાણી રહેવા દેવું.

મિક્સર જારમાં લીલા કાંદાનો સફેદ ભાગ, ટામેટા, આદુ મરચાં અને લસણ ની પેસ્ટ બનાવી લેવી.

રીંગણને ગેસની ઉપર શેકીને પછી તેની છાલ કાઢી મેસ કરી લેવું. લીલા કાંદા નો લીલો ભાગ ઝીણો સમારી લેવો.

એક વાટકામાં લાલ મરચું પાઉડર, ધાણાજીરું, હળદર, ગરમ મસાલો, 1 ટી સ્પૂન તેલ અને ગરમ પાણી ઉમેરી બરોબર મિક્સ કરી પેસ્ટ બનાવી લો.

હવે એક કડાઈમાં તેલ ગરમ કરી તેમાં સૂકા લાલ મરચા, તમાલપત્ર, લવિંગ, બારીયા નું ફૂલ, તજ, જીરુ અને હિંગ ઉમેરી વઘાર કરી તેમાં કાંદા ટામેટા વાળી પેસ્ટ ઉમેરી સાંતળવી.

તેલ છૂટું પડે પછી તેમાં મસાલાવાળી પેસ્ટ ઉમેરીને સાંતળો. 2-3 મિનિટ પછી તેમાં લીલા કાંદા નો લીલો ભાગ અને લીલું લસણ ઉમેરી બરોબર મિક્સ કરી લો.

પછી તેમાં શેકેલું રીંગણ અને લીલા ચણા ઉમેરી બરોબર મિક્સ કરી લો. અને જરૂર પ્રમાણે બાફેલા ચણાનુ પાણી ઉમેરો.

પછી તેમાં મીઠું અને ગોળ ઉમેરી ઢાંકણ ઢાંકીને પાંચથી સાત મિનિટ માટે શાકને ચઢવા દો. તેલ છૂટું પડી જાય પછી ગેસ બંધ કરી લેવો.

પછી તેમાં લીલી કોથમીર ઉમેરીને બરાબર મિક્સ કરી ગરમાગરમ લીલા ચણા ના શાક ને સર્વ કરો.