સોજી માં દહીં અને મીઠુ નાખી હલાવી ને દસ મિનિટ માટે રેસ્ટ આપો.

હવે ગાજર ને ધોઈ છીણી લો,કેપ્સિકમ અને ટામેટા ના નાના પીસ કરી લો,ધાણા ધોઈ ને ઝીણા કાપી લો.
રેસ્ટ આપ્યા બાદ તેમાં વેજીટેબલ, આદું મરચાં ની પેસ્ટ,હળદર,ધાણા,હિંગ, મરી પાઉડર, ચીલી ફ્લેક્સ, અને પાણી એડ કરી થોડી થીક કનસીટન્સી વાળુ ખીરું બનાવો.
આ સમયે ચાખી લેવું કે બધા મસાલા બરાબર છે કે નઈ.

સ્ટીમર માં પાણી મૂકી થાળી ને તેલ થી ગ્રીસ કરી ગરમ કરવા મૂકો.
હવે, બેટર માં એક ચમચો તેલ નાખી ખૂબ ફીણો લો જેથી ઢોકળા સરસ પોચા થાય,ત્યારબાદ ઇનો નું એક સેચેટ નાખી ઉપર બે ચમચી પાણી નાખી ધીમેથી મિક્સ કરી ગરમ મુકેલી થાળી માં ખીરું પાથરી દેવું અને ઢાંકી દેવી, મધ્યમ તાપે ૨૦ મિનિટ સુધી પકાવવુ.

ઢોકળા બફાઈ જાય એટલે બહાર કાઢી થાળી ને ઠંડી કર્યા બાદ ચોરસ કટ આપી દેવા.
વઘારિયા માં તેલ લઇ રાઈ તલ,હિંગ અને લીમડા ના પાન તતડાવી ઉપરથી લાલ મરચું પાઉડર એડ કરી ઢોકળા પર ચમચી થી સ્પ્રેડ કરી દો અને ઉપર લીલા ધાણા થી ગાર્નિશ કરી ડિશ માં સર્વ કરો.
સુજીનાં વેજીટેબલ સાથે ના ઢોકળા તૈયાર છે.