સૌ પ્રથમ તુવેરદાળ ને ગરમ પાણીથી ધોઈને 15 - 20 મિનિટ પલાળીને રાખો...હવે તેમાં સરગવાના ટુકડા, હળદર, મીઠું અને હીંગ ઉમેરી પ્રેશર કુકર માં 4 વિસલ થી કુક કરી લો..કુકર ઠંડુ થવા દો.

હવે કુકર ખોલી સરગવાના ટુકડા કાઢી ને બ્લેન્ડર થી દાળને વલોવી લો. મસાલા કરી ઉકળવા મુકો..ગોળ અને કોકમ તેમજ શીંગ દાણા ઉમેરો...છીણેલું આદુ ટામેટું તેમજ લીલા મરચા ના ટુકડા અને મીઠો લીમડો પણ ઉમેરી દો...(ખટાશ માટે આમલી કે લીંબુ પણ વાપરી શકો)

ગુજરાતી દાળમાં વઘાર નું જ ખાસ મહત્વ છે..આ વઘારની સુગંધ પરથી આસપાસ ના લોકોને ખબર પડી જાય કે ગુજરાતી દાળ રંધાય છે. હવે એક વઘારીયામાં ઘી અને તેલ મુકો...રાઈ અને મેથી દાણા ઉમેરી તતડાવો.. તમાલપત્ર, લવિંગ અને તજ ઉમેરો ત્યાર પછી 1 ચમચી કાશ્મીરી મરચું ઉમેરી તરત જ ઉકળતી દાળ પર વઘાર રેડીને ફરી સ્લો ફ્લેમ પર સરખી ઉકળવા દો... કોથમીર ઉમેરો તો તૈયાર છે અતિ સ્વાદિષ્ટ ગુજરાતી દાળ...હવે પીરસો...👍