બધી વસ્તુઓને ભેગી કરીને એક કપ પાણીમાં પાંચ થી છ કલાક માટે પલાળી રાખવી. સમયની અવેજીમાં ગરમ પાણીમાં પણ બે-ત્રણ કલાક માટે પલાળીને ઉપયોગમાં લઈ શકાય. આ બધી વસ્તુઓ ને ધીમા તાપે શેકી પછી એનો પાઉડર બનાવીને પણ ઉપયોગમાં લઈ શકાય, પરંતુ પલાળીને જે પેસ્ટ બનાવીને વાપરવામાં આવે છે એનો સ્વાદ અને ફ્લેવર વધારે સારો આવે છે.

હવે આ બધી વસ્તુઓને પાણીની સાથે એક મિક્સર જારમાં ઉમેરીને મુલાયમ પેસ્ટ બનાવી લેવી. 2 થી 3 ટેબલસ્પૂન પેસ્ટ એક ગ્લાસમાં ઉમેરી એમાં એક ટેબલસ્પૂન દળેલી ખાંડ ઉમેરવી. આ પેસ્ટને પસંદગી મુજબ વધારે કે ઓછી ઉમેરી શકાય. ખાંડનું પ્રમાણ પણ વધારી કે ઘટાડી શકાય. હવે તેના પર ઠંડું દૂધ ઉમેરીને બરાબર મિક્ષ કરી લેવું.

એકદમ ઠંડી ઠંડાઈ ને થોડા બરફના ટુકડા ઉમેરી સર્વ કરવી. ઠંડાઈ ને પિસ્તા ની કતરણ અને સૂકા કે તાજા ગુલાબની પાંદડી થી સજાવવી.