તાજુ મગજતરી ના બી બદામ અને કાશ્મીરી આખા મરચા ને એક કલાક માટે પાણીમાં પલાળી રાખો એક કઢાઈમાં એક ચમચી તેલ ગરમ મૂકી તેમાં ટામેટા અને ખડા મસાલા અને સાંતળી લો.

ઠંડુ પડે એટલે તેને એક મિક્સર જારમાં ક્રશ કરી તેની પ્યૂરી તૈયાર કરી લો. બીજી તરફ કોલસાના ટુકડા ને ગેસ ઉપર ગરમ કરવા મૂકી દો.

એક કડાઈમાં તેલ માં 150 ગ્રામ પનીરના ટુકડા કરી તેને સાંતળી લો. હવે તેના તે જ તેલમાં તૈયાર પ્યુરી ને સાંતળી લો. પછી તેમાંથી તેલ છૂટું પડવા લાગે એટલે બાકીના કોરા મસાલા ઉમેરી દો. હવે તેમાં સાંતળેલા પનીર અને બાકીનું પનીર છીણીને ઉમેરો.

હવે સબજી ઉપર એક કેપ્સિકમ નો ટુકડો મૂકી, આજુબાજુ કસૂરી મેથી ભભરાવી દો. પછી ગરમ કોલસા ના ટુકડા ને કેપ્સીકમ ઉપર મૂકી બે ચમચી ગરમ ઘી ઉમેરો અને તરત જ કડાઈને દસ મિનિટ માટે ઢાંકી દો. દસ મિનિટ પછી સબ્જી ને સર્વિંગ બાઉલમાં લઈ ઉપરથી ફ્રેશ ક્રીમ અને છીણેલા પનીર થી ગાર્નીશ કરો.

તો તૈયાર છે આપણી એકદમ સ્વાદિષ્ટ એવી પનીર અંગારા સબ્જી સર્વ કરવા માટે. જેને અહીં મેં પરાઠા અને વેજીટેબલ પુલાવ સાથે સર્વ કરેલ છે.