મિક્સર જારમાં ફુદીનો લીલા મરચા મીઠું દાણા શુઠ અને ચાટ મસાલો ઉમેરી તેને ક્રશ કરી લો પછી તેમાં ૨૫ ગ્રામ જેટલું પાણી ઉમેરી ફરીથી તેને ક્રશ કરી લો.

હવે પનીરના મોટા ટુકડા કરી દરેક ટુકડામાં વચ્ચે આડો કાપો કરી તેમાં તૈયાર કરેલી ગ્રીન ચટણી સ્પ્રેડ કરો પછી તેને corn flour slurry માં ડીપ કરી લો.

કડાઇમાં તેલનો વઘાર મૂકી તેમાં છીણેલી દૂધી અને ખડા મસાલા ઉમેરી ચારથી પાંચ મિનિટ સાંતળો પછી તેમાં ટામેટા ઉમેરી ટામેટાની છાલ નરમ થાય ત્યાં સુધી તેને સાંતળો પછી આ મિશ્રણ ઠંડું પડે એટલે મિક્સર જારમાં લઈ તેને ક્રશ કરી લો ક્રશ કરતી વખતે તેમાં એક ચમચી પનીર ઉમેરો.

પલાળેલા કાજુ મગજતરી ના બી કાશ્મીરી લાલ મરચું અને ઈલાયચીને મિક્સર જારમાં લઈને તેની પેસ્ટ તૈયાર કરી લો. કડાઇમાં તેલનો વઘાર મૂકી તેમાં 1 ઝીણું સમારેલું લીલું મરચું અને અજમો ઉમેરી તૈયાર કરેલી ટામેટાની પેસ્ટ ઉમેરી સાંતળો.

હવે ટામેટાની ગ્રેવીમાં કોરા મસાલા ઉમેરી બેથી ત્રણ મિનિટ માટે સાંતળો હવે તેમાં કાજુ મગજ તેની પેસ્ટ અને પનીરનું સ્ટફીંગ કરતા વધેલી ગ્રીન પેસ્ટ ઉમેરી પાંચથી સાત મિનિટ માટે ધીમા તાપે વધુ એક બીજામાં મિક્ષ થવા દો.

છેલ્લે તેમાં તાજી મલાઈ અને ચપટી કસૂરી મેથી ઉમેરીને બરાબર મિક્સ કરી લો સર્વિંગ બાઉલમાં તૈયાર કરેલ ગ્રેવી લઇ ઉપરથી સેલો ફ્રાય કરેલા પનીર ના પીસ મૂકી તાજી મલાઈ અને કસૂરી મેથી ગાર્નિશ કરો.

તો તૈયાર છે આપણી એકદમ સ્વાદિષ્ટ પનીર પસંદા સબ્જી તેની સાથે મેં પરોઠા, અથાણું, પાપડ, મરચા, ખાદીમ પાક, છાશ અને પાપડ સર્વ કરેલ છે.