સૌ પ્રથમ શાક સમારી લેવા. ખીરા માં મીઠું ઉમેરી મિક્સ કરી લેવું. એક લોયા માં તેલ લઇ વઘાર ની સામગ્રી ઉમેરી ડુંગળી, મરચા, આદુ સાંતળવા. ત્યાર બાદ બટાકા ઉમેરી ડ્રાય મસાલા ઉમેરવા.

સતત હલાવતા રહેવું. 8 થી 10 મિનિટ થતાં શાક તૈયાર થશે ઉપર થી કોથમીર ઉમેરી ઠંડુ થવા રાખી દેવું. હવે ગેસ પર નોનસ્ટિક તવો ગરમ થવા મૂકવો અને ખીરું એકદમ હલાવી લેવું. તવો ગરમ થાય એટલે તેના પર પાણી છાંટી સ્વચ્છ કાપડ વડે તવો કોરો કરવો. ત્યારબાદ 1/2કાપેલી ડુંગળી તવા પર લગાવી ખીરું ગોળ દિશા માં પાથરવું.

ત્યારબાદ તેલ લગાવી વચ્ચે 2 ચમચી શાક ગોઠવી નીચેની તરફ બ્રાઉન થાય એટલે જાતે જ ઢોસો તવો છોડી દેશે પછી બંને તરફથી ઢોસો વચ્ચેની તરફ વાળી ઉતારી લેવો. તૈયાર છે મસાલા ઢોસા જેને સંભાર, ચટણી સાથે ગરમાગરમ સર્વ કરવા.