કેરી ને પેલા ધોઈ લેવી. પછી તેને લૂછી લેવી. તેની બરાબર છાલ કાઢી લેવી જરાપણ ગ્રીન રહેવું નહીં જોઈએ. પછી તેને ખમણી ખમણી લેવી.

આ ખમણને તપેલામાં લઈ લેવું. અને તેમાં મીઠું અને હળદર નાંખી બરાબર હલાવી લેવું. અને બે કલાક એમ જ રહેવા દેવું.

પછી સાકર એડ કરીને બરાબર હલાવતા જવું ૨ કલાકમાં સાકર જેટલી ઓગળી જાય પછી ગેસ ઉપર સ્લો ગેસે સાકરવાળું ખમણ મૂકીને સતત હલાવતા રહેવું. નીચે બેસે નહીં તેનું ધ્યાન રાખવું.

ધીરે ધીરે છુંદા માં રહેલું પાણી બળતું જશે. છુંદા નું ખમણ ચડતુ જશે. અને ચાસણી બનતી જશે.

જરા ચાસણીમાં ચીકાશ લાગે,એટલે એક નાની પ્લેટમાં ચમચીથી જરા રસો કાઢીને, એક મિનિટ ઠંડુ થાય પછી, ચાસણી ચેક કરવી.
ચાસણી એક તારી થાય એટલે તરત જ ગેસ બંધ કરી દેવો. પહેલા છુદો પતલો લાગશે. પરંતુ ઠંડો થતો જશે તેમ તેમ બરાબર તૈયાર થઈ જશે. ઠંડું થાય પછી તેને કાચની બરણીમાંભરી લેવો.આ છૂંદો એક વરસ સુધી સારો રહે છે. જલ્દી બને છે. અને સરસ બને છે.