સૌપ્રથમ સામગ્રીમાં દર્શાવ્યા પ્રમાણે મિક્સરમાં ચટણી બનાવી લો. પત્તરવેલી ના પાન ધોઈ, કોરા કરી અને તેની નસો કાપી લેવી. ત્યારબાદ બેસનમાં અજમો, મીઠું, હળદર, હિંગ નાખી મિક્સ કરો તેમાં ૧ ટેબલ સ્પૂન તેલ નાખી અને મોઈ લો. હવે ગ્રીન ચટણી એડ કરો અને ઘટ્ટ ખીરું તૈયાર કરો. જો જરૂર પડે તો દહીં એડ કરો.

હવે એક મોટા પાટલા ઉપર એક પત્તરવેલનું પાન ઉંધુ મૂકો. તેની ઉપર તૈયાર કરેલ મિશ્રણ એકસરખું પાથરો. તેની ઉપર બીજું પત્તરવેલી ના પાન મૂકો અને મિશ્રણ સ્પ્રેડ કરો. આવી રીતે ચાર લેયર તૈયાર કરી અને પત્તરવેલી ને ગોળ ફીટ વાળી દેવા. બંને સાઇડમાંથી પહેલા વાળવા અને પછી ગોળ વાળતા જવું. હવે એક ઢોકળીયામાં અથવા તપેલામાં પાણી ઉકળવા મૂકો. તેમાં માપની ચારણી મૂકી અને તેમાં આ વાટા બાફવા મૂકવા. 20 મિનિટ સુધી તેને બફાવા દેવા.

ટુથપીક ખોસી અને કુક થયા છે કે નહીં ચેક કરી લેવું. હવે તેને બિલકુલ ઠંડા થવા દેવા. ત્યારબાદ તેના થોડા થીક પીસ કરવા. એક પેનમાં ૨ ટેબલ સ્પૂન તેલ ગરમ કરો. તેલ ગરમ થાય એટલે રાઈ,તલ, મીઠી લીમડી, સુકા મરચા નાખી અને વઘાર તૈયાર કરો અને તેમાં આ પતરવેલીયાના પીસીસ નાખી અને મિક્સ કરો. બેથી ત્રણ મિનિટ માટે ધીમા તાપે શેકો. તૈયાર છે હરિયાળી પતરવેલી !!