મગ ની દાળ ને 2-3 વાર ચોખ્ખા પાણી માં ધોઈ અને ધોઈ ને 4-5 કલાક માટે પલાળવી. પછી પાણી નિતારી ને કાઢી લેવું અને મગ ની દાળ ને સ્ટ્રેનર માં નિતરવા દેવી જેથી પાણી બધું જ નિતરી જાય. દાળ ને મિક્સર જાર માં લઈ કરકરી વાટી લેવી અને સાઈડ પર રાખવી.

એક નોન સ્ટીક પેન માં ઘી ગરમ મુકવું. ઘી ગરમ થાય એટલે તજ નો કટકો અને તરત જ કીસમિશ નાંખી, કીસમિશ ફુલી જાય એટલે અંદર દાળ એડ કરી, ધીમા તાપે દાળ ને ખુબ જ શેક્વી.મગ ની દાળ ખુબ ઘી પિશે એટલે જોઇએ પ્રમાણે ગરમ ઘી નાંખતા જવું. 20-25 મિનીટ થશે દાળ ને શેકાતા. મગ ની દાળ શેકાઇ ને ફુલશે પણ ઘણી. ધ્યાન રહે ગેસ નો તાપ એકદમ જ ધીમો રાખવો. આ આખી પ્રોસેસ ધીરજ માંગી લે છે.

દાળ ગુલાબી થાય અને તવેથો હલકો ફરે ત્યારે અંદર ગરમ દૂધ નાખવું. પલાલેળું કેસર નાખવું. દૂધ બળે નહી ત્યાં સુધી કુક કરવું. દૂધ બળી જાય એટલે સાકર નાંખી મીકસ કરી, હલાવવું ----- સાકર નું પાણી બળી જાય અને ઘી છુટુ પડે ત્યાં સુધી. આખો ટાઈમ શિરા ને હલાવતા રહેવું નહીતો શીરો નીચે પેન માં બેસી જશે.

શિરા માં થી ઘી છુટુ પડે એટલે ઇલાયચી નો પાઉડર અને પિસ્તા ની કતરણ નાંખી, મિક્સ કરી, શિરા ને બાઊલ માં કાઢવો. લો, તૈયાર છે,મારા હસબન્ડ નો અતિપ્રિય ----- ઘી થી લથપથ, મગ ની દાળ નો શીરો જેને મેં પિસ્તા ની કતરણ અને ઇલાયચી ના પાઉડર થી ગાર્નિશ કરી, ગરમા ગરમ સર્વ કર્યો છે.