સૌ પ્રથમ એક તપેલી માં પાણી,ગોળ અને ૧ ટી સ્પૂન ઘી નાખી પાણી ને ઉકળવા મુકો.

હવે એક વાસણમાં મા જાડો લોટ લો.તેમાં ૧ ટી સ્પૂન ઘી નાખી ને બરાબર મિક્સ કરી લો.ત્યાર બાદ આ લોટ ને ઉકળતા પાણી મા ઉમેરો.બધો લોટ નખાઈ જાય એટલે વેલણ થી તેમાં ખાડા કરી ને ઉપર એક ઢાંકણ ઢાંકી ને તેમાં થોડું પાણી નાખી વરાળ થી ચડવા દો.૮-૧૦ મિનિટ પછી ઢાંકણ ખોલી ને તેને વેલણ ની મદદ થી હલાવી લો.લાપસી એકદમ ચડી ગઈ હશે અને છુટ્ટી પણ પડી ગઈ હશે.હવે તેને ગેસ પરથી નીચે ઉતારી લો.

બનાવેલી લાપસી થોડી ઠરે એટલે તેમાં દળેલી ખાંડ અને ગરમ કરેલું ઘી ઉમેરો અને ફરી બધું બરાબર હલાવી ને મિક્સ કરી લો.ઘી વધારે નાખવું હોય તો નાખી શકાય.

તો તૈયાર છે ટ્રેડિશનલ ગુજરાતી લાપસી.