મગની દાળ ને ગરમ પાણી માં 5 - 6 કલાક પલાળી રાખવી. ત્યારબાદ તેને મિક્સર માં અધકચરી ક્રશ કરી લેવી.

કડાઈ માં તેલ મૂકી તે ગરમ થાય એટલે તેમાં બધા મસાલા અને વાટેલી મગ ની દાળ ઉમેરી બરાબર મિક્સ કરી લેવી. મિશ્રણ ને ઠંડુ થવા દેવું.

ઉપર ના પડ માટે ની સામગ્રી ભેગી કરી કણક બાંધી લેવી. 10 મિનિટ માટે ઢાંકી ને મૂકી રાખવી. તે પછી તેમાં થી લુવા કરી પૂરી વણી લેવી.

પૂરી માં મિશ્રણ મૂકી હળવા હાથે બંધ કરી અને ફરી હળવા હાથે થોડી વણી લેવી. બહુ પાતળી નહિ કરવાની.

બધી કચોરી ભરાઈ જાય એટલે તેને તેલ માં તળી લેવી. સર્વ કરતી વખતે પ્લેટ માં કચોરી મૂકી બેવ ચટણી અને દહીં રેડવું તેની ઉપર સેવ અને કોથમીર ભભરાવી સર્વ કરવું.