ટેસ્ટી ઈન્દોરી ખસ્તા કચોરી (Testy Indori Khasta Kachori Recipe In Gujarati)

સૌપ્રથમ ૧ કપ મગની દાળ પાણીમાં પલાળીને એક કલાક રાખવી ત્યારબાદ એક કથરોટમાં 2 કપ મેંદો લેવો તેમાં એક ચમચી મીઠું નાખવું ચમચી પીગળેલું ઘી નાખવું બે ચમચી બેસન નાખવો

ત્યારબાદ થોડું થોડું પાણી નાખી અને મેંદાનો લોટ બાંધો તેને ભીનું કપડું ઢાંકીને 20 મિનિટ રાખી મૂકો ત્યારબાદ એક લોયામાં ૩ ચમચી તેલ લેવું તેમાં 1/2 કપ ચણાનો લોટ નાખવો અને ધીમે તાપે ચણાના લોટને શેકવો ત્યારબાદ તેમાં સમારેલા મરચાં નાખવા આદુ મરચાની પેસ્ટ નાખવી અને તેને એક મિનિટ સાંતળવા તેમાં મીઠું નાખવું ત્યારબાદ તેમાં બે ચમચી ધાણા નાંખવા બે ચમચી વરિયાળી નાંખી ને ૧ ચમચી જીરું નાખીને બે મિનીટ સાંતળવા ત્યારબાદ તેમાં પલાળેલી મગની દાળ નાખવી આ બધા ને પાંચ મિનિટ સાંતળવા તેમાં એક ચમચી હિંગ નાંખવી

બે ચમચી સમારેલી કોથમીર નાંખવી એક ચમચી મરચું નાખવું 1/2 ચમચી હળદર નાંખવી એક ચમચી ગરમ મસાલો નાખો આ કચોરી ના મિશ્રણને ઠંડુ પાડી તેમાંથી કચોરી માં અંદર ભરવા માટે બોલ બનાવવા

ત્યારબાદ કચોરી માટેના મેંદાના લોટમાંથી મોટો લુવો હાથથી દબાવીને વચ્ચે ખાડા જેવા ભાગમાં પુરણ માટે ના મસાલા બોલ બનાવ્યા છે તે વચ્ચે બોલ મૂકો ત્યારબાદ તેને વાળીને કચોરી બનાવી થોડી કચોરી તૈયાર કરી ને એક ડીશમાં ભેગી કરવી ત્યારબાદ એક લોયામાં તેલ લઈને ધીમે તાપે બ્રાઉન કલરની તળવી

ત્યારબાદ આ કચોરીને સર્વિંગ પ્લેટમાં ગોઠવવી આમ આપણી ઇન્દોરી કચોરી તૈયાર થશે પછી તેને ખજૂર આમલીની ચટણી સાથે ડિશમાંગોઠવી મરચાથી ડેકોરેટ કરી આપણી ટેસ્ટી મસ્ત મસ્ત કચોરી સર્વ કરવી જે ખાવામાં ખૂબ જ સ્વાદિષ્ટ લાગે છે