સૌ પ્રથમ ડુંગળી અને ટામેટાંના મોટા કટકા કરી લો. હવે એક પેનમાં 1-1/2 કપ જેટલું પાણી લઈ તેમાં સમારેલ ડુંગળી, ટામેટાં, લસણ તથા બધા તેજાના ઉમેરી ઢાંકીને ૫-૭ મિનિટ માટે ચડાવી લો.

હવે પનીરના કટકા કરી લો અને એક પેનમાં ૧ ચમચી બટર તથા ૧ ચમચી તેલ લઈ પનીરને સોતે કરી લો. પનીર સહેજ ગુલાબી રંગનું થાય એટલે તેમાં સહેજ મીઠું તથા લાલ મરચું પાઉડર ઉમેરી, મિક્સ કરી ગેસ બંધ કરી તેને ઠંડુ કરી લો.

હવે એ જ પેનમાં બાકીનું બટર તથા તેલ લઈ તેમાં આદુ લસણ મરચાંની પેસ્ટ લઈ સાંતળો. હવે તેમાં ૧ ચમચી કસુરી મેથી ઉમેરી, તૈયાર કરેલ ગ્રેવી ઉમેરી સાંતળો. હવે તેમાં બધા સૂકા મસાલા તથા ખાંડ ઉમેરી તેને બરાબર ચડવા દો.

હવે આ ગ્રેવીમાંથી તેલ છૂટું પડે એટલે તેમાં પનીરના પીસ ઉમેરી, બરાબર મિક્સ કરી ૫ મિનિટ માટે કૂક કરો. હવે ઉપરથી બીજી કસુરી મેથી તથા છીણેલું પનીર ઉમેરી, મિક્સ કરી, બાઉલમાં કાઢી, ઉપરથી મલાઈ તથા કોથમીરથી સજાવી લો.

ગાર્લિક નાન માટે ૧/૨ કપ દૂધમાં ખાંડ તથા યીસ્ટ ઉમેરી, મિક્સ કરી ૧૦ મિનિટ માટે ઢાંકીને મૂકી રાખો. હવે મેંદો તથા ઘઉંનો લોટ મિક્સ કરી તેમાં મીઠું, તેલ ઉમેરી, યીસ્ટવાળું મિશ્રણ ઉમેરી મિક્સ કરો. હવે બાકી વધેલ દૂધથી સોફ્ટ લોટ બાંધી લો.

આ લોટને ઉપર સહેજ તેલ લગાવી, ઢાંકણથી ઢાંકી, ૪૫ મિનિટ માટે પ્રૂવ થવા મૂકો.

૪૫ મિનિટ બાદ તેમાંથી એકસરખા ગોળા વાળી લો. હવે તેમાંથી નાની રોટલી વણી, સહેજ પાણી લગાવી, સમારેલ લસણ, કોલોંજી તથા કોથમીર ભભરાવી ફરીથી વણી લો.

હવે તેના પાછળની બાજુ પાણી લગાવી, ગરમ તવામાં પાણી વાળી બાજુ નીચે રહે એ રીતે શેકો. હવે તાવડી ઉંધી કરી ફોટોમાં બતાવ્યા મુજબ, લસણ લગાવ્યું છે એ સાઈડ બરાબર શેકી લો. હવે તેના પર બટર લગાવી, ગરમ ગરમ પનીર પંજાબી સબ્જી તથા પાપડ સાથે સર્વ કરો.