એક મિક્સર જારમાં ખમણેલું પનીર લઈ તેમાં દૂધ ઉમેરી તેની પેસ્ટ બનાવો.

એક કડાઈમાં તેલ ગરમ કરી તેમાં જીરું અને કસૂરી મેથી ઉમેરી તેને સાતડો.

તેમાં ખમણેલું આદુ અને સમારેલા લીલા મરચા ઉમેરો.

સમારેલી ડુંગળી ઉમેરી બરાબર રીતે મિક્સ કરી ડુંગળી નરમ થાય ત્યાં સુધી તેને સાંતળો.

લીલી ડુંગળી ના સમારેલા પાન, સમારેલા લીલા ધાણા ઉમેરી બરાબર રીતે મિક્સ કરો.

બધા મસાલા અને સ્વાદ અનુસાર મીઠું ઉમેરી બરાબર રીતે મિક્સ કરો.

તૈયાર કરેલી પનીરની ગ્રેવી ઉમેરી બરાબર રીતે મિક્સ કરો.

ગ્રેવીને સતત હલાવતા બે થી ત્રણ મિનિટ માટે કૂક થવા દો જેથી તે થોડી થીક થઈ જશે. તો અહીંયા પનીરની વ્હાઈટ ગ્રેવી તૈયાર છે.

એક કડાઈમાં તેલ ગરમ કરી તેમાં કસૂરી મેથી અને સફેદ તલ ઉમેરી તેને બરાબર રીતે સાતળો.

હવે તેમાં સમારેલી ડુંગળી અને સમારેલા કેપ્સીકમ ઉમેરી તેને પણ બરાબર રીતે મિક્સ કરો.

પનીરના ટુકડા ઉમેરી બરાબર રીતે મિક્સ કરી બે થી ત્રણ મિનિટ માટે ધીમી ફ્લેમ પર તેને રોસ્ટ કરો.

હવે તેમાં બધા જ મસાલા, સ્વાદ અનુસાર મીઠું અને સમારેલા લીલા ધાણા ઉમેરી બરાબર રીતે મિક્સ કરી સાઈડ પર રાખો.

સર્વિંગ પ્લેટમાં સૌથી પહેલા તૈયાર કરેલી વ્હાઈટ ગ્રેવી પાથરો. તેના પર તૈયાર કરેલા રેડ તીખા પનીર ના ટુકડા ઉમેરો અને ગરમાગરમ સર્વ કરો.