સૌપ્રથમ આપણે સબ્જી માટેની તૈયારી કરી લઈશું. તેમાં આપણે કાજુ અને મગજતરીના બીને બે કલાક પહેલા દૂધમાં પલાળી દઈશું. પલાળેલા એ કાજુ અને મગજતરીના બીને મિક્સરમાં પેસ્ટ બનાવી લઈશું. ટામેટાને આપણે મિક્સરમાં પ્યુરી બનાવી લઈશું. આદુ મરચાની પણ આપણે પેસ્ટ બનાવી લઈશું..

ગ્રેવી બનાવવા માટે આપણે સૌ પ્રથમ એક પેન માં તેલ મૂકી શું.તેલ થોડું ગરમ થાય એટલે સૌ પ્રથમ આપણે તેમાં કટ કરેલા કેપ્સિકમને થોડા ફ્રાય કરી દઈશું કે જેથી એનો ટેસ્ટ જળવાઈ રહે છે આપણે સીધા ઉપયોગ કરીએ તો તેનો એટલો સરસ ટેસ્ટ આવતો નથી એટલે સૌ પ્રથમ આપણે કેપ્સિકમને તેલમાં થોડા ફ્રાય કરીને કાઢી લેશું.

હવે એ જ તેલમાં આપણે જીરૂ મૂકી વઘાર કરીશું.જીરૂ તતડી જાય એટલે તેમાં સૌપ્રથમ આપણે આદુ-મરચાની પેસ્ટ ઉમેરી શું અને તરત જ પછી આપણે ટામેટાંની પ્યોરી અને મગજતરી ના બી અને કાજુની પેસ્ટ ઉમેરી શું.

તમને ગ્રેવી થોડી વધારે ઘટ્ટ લાગે તો તેમાં તમે એક કપ અથવા અડધો કપ દૂધ ઉમેરી શકો છો. પછી તેમાં કસુરી મેથી પણ એડ કરી દઈશું.

હવે આપણે ગ્રેવી એકદમ રેડી થઈ ચૂકી છે હવે આપણે તેમાં બાફેલા કોર્ન, પનીરના ટુકડા અને ફ્રાય કરેલા કેપ્સીકમ એડ કરી બરાબર મિક્સ કરી લઈશું. તેમાં આપણે કાજુ અને કિસમિસ પણ થોડા એડ કરી દઈશું.

તો રેડી છે આપણી પનીર,કોર્ન કેપ્સીકમ ની પંજાબી સબ્જી જે આપણે પરાઠા સાથે ખાઈ શકીએ છીએ. હવે આપણે તેને સર્વ કરીશું. તેને એક પ્લેટમાં કાઢી તેને ઉપરથી કાજુ, કિસમિસ,ચીઝ અને ફ્રેશ કોથમીરથી આપણે તેને ડેકોરેટ કરીશું.