દાળ અને ચોખાને ધોઈ અને 15 - 20 મિનિટ સુધી પલાળી રાખવા.

ડુંગળી,બટાકા, ગાજર, ટામેટું, અને લસણ ની કળી ને ઝીણા સમારી લેવા અને આદુની પેસ્ટ બનાવી લેવી. મરચાને લાંબા કટ કરી લેવા.

ત્યારબાદ કુકરમાં ઘી મૂકી ઘી ગરમ થાય એટલે જીરું, લસણની કળી,લાલ સૂકું મરચું અને લીમડો મૂકીને ડુંગળીથી વઘાર કરવો.

ડુંગળી સંતળાઈ જાય એટલે તેમાં ટામેટા ઉમેરી ને સાંતળવા દેવા. ત્યારબાદ ગાજર, વટાણા, બટાકા, મરચા બધું ઉમેરીને મિક્સ કરી લેવું.

પછી તેમાં બધો મસાલો કરી લેવો.

ત્યારબાદ તેમાં પલાળેલા દાળ ચોખા ઉમેરીને ઘીમાં મિક્સ કરી લેવા. પછી જે વાટકી થી ચોખા લીધા હોય એના ત્રણ ગણું પાણી ઉમેરીને કુકર બંધ કરી દેવું. ત્રણ થી ચાર સુધી વાગે એટલે ગેસ બંધ કરી દેવું. કુકર ઠરે એટલે ખોલીને ખીચડી ને ચેક કરી લેવી. હવે દાળ ખીચડી તૈયાર છે.

સર્વિંગ ટાઈમે તેના પર પાછો તડકો લગાવા માટે એક પેનમાં થોડું ઘી મૂકી લાલ મરચું મૂકીને એ તડકો ખીચડી ઉપર ઉમેરી દેવો અને સાથે ઉપરથી ઘી ઉમેરી દેવું. આ દાળ ખીચડી ને સર્વ કરી એન્જોય કરો.