સૌ પ્રથમ દાળ અને ચોખા ધોઈને પલાળી રાખો.ત્યાં સુધી બધી સામગ્રી તૈયાર કરી લો.હવે કુકરમાં તેલ ગરમ કરો.પછી રાઈ ઉમેરો.રાઈ તતડે પછી લસણ ઉમેરો.લસણ ગુલાબી થાય પછી હીંગ,લીમડાના પાન,શીંગદાણા અને ડુંગળી ઉમેરી 2 મિનિટ સાંતળો.હવે ટામેટાં અને બધા મસાલા ઉમેરી ઢાંકી દો.

હવે મસાલો તેલ છોડે પછી પલળેલાં ચોખા અને દાળનું પાણી નિતારી મસાલામાં ઉમેરો અને હળવા હાથથી સાંતળો.હવે જરૂર મુજબ પાણી ઉમેરો.પાણી ઉકળીને થોડું રહે પછી ગરમ મસાલો ઉમેરી મીક્ષ કરી કુકરનું ઢાંકણ બંધ કરી 3 સિટી વગાડો અને 5 મિનિટ સ્લો પર મુકો.પછી ગેસ બંધ કરી દો.કુકર ઠંડુ થાય પછી ગરમ ગરમ ખીચડી સર્વ કરો.

તૈયાર છે સ્વાદિષ્ટ રજવાડી ખીચડી. દહીઁ,છાશ અથવા કઢી સાથે સર્વ કરો.

જો તમને નરમ જોઇએ તો પાણી વધારે ઉમેરવું.બટાકા પણ ઝીણા સમારીને ઉમેરી શકાય.દાળ માં મસૂર ની દાળ પણ ઉમેરી શકાય.વઘારમાં ખડા મસાલા ઉમેરી શકો છો.