મગ ની દાળ નો શિરો બે રીતે બનતો હોય છે. સામાન્ય રીતે મગ ની દાળ ને પલાળી ને એની પેસ્ટ કરી ને એને બનાવતા હોય છે. પણ અમે અલગ રીત થી બનાવ્યે છીએ. અમે મગ ની દાળ ને મિક્સર માં જીણી પીસી લઇ ને એમાં જરૂર મુજબ દૂધ અને ઘી નાખી એનો ધાબો દઈએ એને ચારણી વડે ચાળી લઇ ને બનાવ્યે છીએ. કેમકે પલાળી રાખી ને કરવાથી એમાં રહેલું પાણી ને બળતા વાર લાગે છે અને ગેસ નો વ્યય વધુ થાય છે. મગ દાળ ને પીસી ને એક મોટા વાસણ માં એમાં ધાબો આપી મસળી ને એને ચાળી લેવું.

હવે એક પેન માં ઘી ગરમ મૂકી એમાં આ મિશ્રણ ઉમેરી ને એને શેકી લેવું. જરૂર લાગે કે પેન માં મગ ની દાળ ફરતી નથી તો ઘી ઉમેરતા જવું. સતત હલાવતા રેહવું જેથી એ પેન માં નીચે બેસે નહિ અને ફોરો થાય

હવે ગોલ્ડન બ્રાઉન રંગ નો થાય એટલે એમાં ખાંડ ઉમેરી ને દૂધ નાંખી હલાવતા રેહવું. મલાઈ ઉમેરી ને જાયફળ ઇલાયચી નો પાઉડર ઉમેરવો અને હલાવી કિસમિસ નાખી ને બરાબર મિક્સ કરી લેવો શીરા ને. બાઉલ માં કાઢી એના પાર બદામ કાજુ ની કતરણ થી ગાર્નિશ કરવો અને ઠાકરજી ને ભોગ માં ધરાવી ને પછી સર્વ કરવો.