સૌપ્રથમ ઘઉંના લોટમાં મોણ તથા મીઠું નાખી અને કઠણ લોટ તૈયાર કરી ઢાંકીને મૂકી રાખો.તુવેર મરચા અને આદુ મિક્સરમાં ક્રશ કરી લો એક બાઉલમાં કાઢી લો. ત્યારબાદ એ જ મિક્સરના બાઉલમાં લીલું લસણ ક્રશ કરી લો. હવે એક નોનસ્ટિક પેનમાં તેલ ગરમ કરી તેમાં તલ ક્રેક કરો અને લીલું લસણ સાંતળી અને તેમાં હિંગ અને હળદર એડ કરી દો.

ગેસની સ્લો ફ્લેમ પર કુક કરવું. બે થી ત્રણ ચમચી પાણી છાંટી દેવું જેથી આ એકદમ સોફ્ટ બનશે. ક્રશ કરેલ તુવેરને કુક થતા 10 થી 12 મિનિટ લાગશે. વચ્ચે વચ્ચે હલાવતા રહેવું જેથી બળી ન જાય. કુક થઈ જાય એટલે તેમાં સામગ્રીમાં દર્શાવ્યા પ્રમાણેના તમામ મસાલા એડ મિક્સ કરો. ત્રણથી ચાર મિનિટ સુધી મસાલાને પણ મિક્સ થવા દઇ ત્યારબાદ ગેસ ઓફ કરવો.તેને એક પ્લેટમાં કાઢી ઠંડું પડવા દો. અને લીંબુ જેવડા ગોળા વાળી લો.

હવે લોટને મસળી સ્મુધ કરી લેવો. એક લુવો લઇ અને તેને હથેળીમાં કોડિયા જેવો શેપ આપો. તેમાં તૈયાર કરેલ ગોળો મૂકો. બધી જ કિનારીઓ બંધ કરી અને તેને ગોળ શેપ આપી દેવો. આ રીતે બધા વાળીને તૈયાર કરી લેવા.

હવે એક પેનમાં તેલ ગરમ કરો. તેલ ગરમ થાય એટલે તેમાં તૈયાર કરેલ કચોરી નાખો. કચોરી તેલમાં ઉપર આવી જાય એટલે ગેસની સ્લો ફ્લેમ પર તેને ખસ્તા તળી લેવી. તૈયાર છે લીલવા કચોરી. ગ્રીન ચટણી, ટોમેટો કેચઅપ, તળેલા મરચા સાથે સર્વ કરો.