સૌપ્રથમ ફણસી તથા ગાજરને ધોઈ અને કટ કરી લેવા. હવે કુકરમાં તેલ ગરમ કરો. તેલ ગરમ થાય એટલે તેમાં રાઈ, જીરુ નાખી ક્રેક કરો. હવે હિંગ, લીલું મરચું નાખી ગાજર અને ફણસી વઘારો. મીઠું નાખી મિક્સ કરો. આદુ છીણી નાખો.બે થી ત્રણ મિનિટ સુધી તેને મીડીયમ ગેસ ઉપર રાખી ત્યારબાદ ૧/૪ કપ પાણી નાખી અને કુકર બંધ કરી દો. બે સીટી વગાડો. કુકર ઠંડું પડે એટલે તેને ખોલી અને સ્લો ફ્લેમ પર મુકો.

બધું જ પાણી બળી જાય અને તેલ છૂટું પડવા લાગે એટલે તેમાં સામગ્રીના દર્શાવ્યા પ્રમાણેના તમામ મસાલા એડ કરો. હવે એક વઘારીયામાં તેલ ગરમ કરો. તેલ ગરમ થાય એટલે તેમાં લીલું લસણ સાંતળી લો અને શાકમાં એડ કરો.

બધું બરાબર મિક્સ કરી લો. બે થી ત્રણ મિનિટ સુધી ફરીથી સ્લો ફ્લેમ પર રાખો. ત્યારબાદ ગેસ ઓફ કરી દો. તૈયાર છે પણ ફણસી, ગાજરનું શાક.