સૌપ્રથમ ચોખાને ધોઈ અને દસ મિનિટ માટે પલાળી રાખવા. એક તપેલીમાં ત્રણ ગ્લાસ પાણી ઉકળવા મૂકો. પાણી ઉકળે એટલે તેમાં ચોખા નાખો અને કુક કરો. 1/2 કુક કરવા. ત્યારબાદ ચારણામાં કાઢી બધું જ પાણી નિતારી લેવું. ઠંડા પડવા દેવા.

હવે એક બીટ ને ધોઈ અને છીણી લો. ત્યારબાદ આ છીણને એક કાપડ માં મૂકી પોટલી વાળી તેનો રસ કાઢી લો. એક પેનમાં ઘી ગરમ કરો. ઘી ગરમ થાય એટલે તેમાં જીરું, લવિંગ, તજ, તમાલપત્ર, નાખો અને ક્રેક કરો.લીલા મરચાના ટુકડા સાંતળી લો.

હવે તેમાં કેપ્સીકમ સાંતળી લો. ત્રણ ચમચી બીટનો રસ એડ કરો. મરી પાઉડર એડ કરો. બધું બરાબર મિક્સ કરી અને તેમાં કુક કરેલા ચોખા નાખો.

ધીમે રહીને મિક્સ કરવું જેથી ચોખા આખા જ રહે. હવે એક વઘારીયામાં ઘી ગરમ કરો. તેમાં લીલું લસણ નાખી અને સાંતળી લો અને આ સાતળેલું લસણ પુલાવમાં નાખી ફરીથી મિક્સ કરો. ત્રણથી ચાર મિનિટ સુધી ગેસની સ્લો ફ્લેમ પર રાખો. ત્યારબાદ ગેસ ઓફ કરી દેવો. તૈયાર છે બીટ રૂટ નો પીંક પુલાવ. પુલાવ ની મજા માણો પિંક રાયતા સાથે.