સૌપ્રથમ ફણસીને ધોઈ અને કટ કરી લેવી. કુકરમાં તેલ ગરમ કરો. તેલ ગરમ થાય એટલે તેમાં અજમા અને હિંગનો વઘાર આપો. ત્યારબાદ તેમાં ફણસી અને ટામેટા એડ કરો. મીઠું નાખો અને મિક્સ કરો. 1/2 કપ પાણી નાખી અને કુકર બંધ કરો. બે સીટી વગાડો. કુકર ઠંડુ પડે એટલે ખોલો અને તેમાં સામગ્રીમાં દર્શાવ્યા પ્રમાણેના તમામ મસાલા એડ કરો.

ગેસની સ્લો ફ્લેમ પર શાકને રાખો જેથી થોડું ઘણું પાણી હોય તે પણ એબસોર્બ થઈ જાય. અને તેલ છૂટું પડવા લાગે.હવે એક વઘારીયામાં એક ટીસ્પૂન તેલ મુકો. તેલ ગરમ થાય એટલે તેમાં લીલું લસણ સાંતળી લો અને શાકમાં નાખી મિક્સ કરો. બે થી ત્રણ મિનિટ સુધી ગેસ ઉપર રાખી ત્યારબાદ ગેસ ઓફ કરી દેવો. તૈયાર છે ફણસી નું લીલા લસણ વાળું શાક.