સૌ પ્રથમ ખજૂર ને પાણીથી બરાબર ધોઈને કપડાં થી કોરો કરી લો.તેના ઠળિયા કાઢીને સમારીને સાઈડ પર રાખો.હવે મિક્સર જારમાં પલ્સ મોડ પર ફેરવી લો.

એક પેન ગરમ કરવા મૂકો...બદામ અને પીસ્તા ને એક મિનિટ માટે કોરા જ શેકી લો. સાઈડ પર રાખો.હવે એ જ પેનમાં થોડું ઘી મૂકી ગરમ થાય એટલે રાગી નો લોટ ઉમેરી ધીમા તાપે શેકી લો.

ગેસ બંધ કરીને શેકેલા રાગી ના લોટમાં સૂંઠ અને ગંઠોડા પાઉડર ઉમેરીને મિક્સ કરી લો. મિશ્રણને એક થાળીમાં કાઢીને એ જ પેનમાં બીજું ઘી ઊમેરી ક્રશ કરેલ ખજૂર પણ ચાર થી પાંચ મિનિટ માટે સાંતળી લો.

ખજૂર શેકાઈ એટલે તેને પણ થાળીમાં કાઢી લો..શેકેલા બદામ પિસ્તા ના ટુકડા કરી અંદર ઉમેરી દો...થોડા ઉપરથી ગાર્નિશ કરવા સાઈડ પર રાખો. ફરી એ જ પેનમાં બાકીનું ઘી અને સમારેલો ગોળ ઉમેરી માત્ર ગોળ ઓગળે એટલે ગેસ બંધ કરો. શેકેલું મિશ્રણ ગોળમાં ઉમેરી ઝડપથી મિક્સ કરીને એક થાળી અથવા ડબ્બા ને ઘી થી ગ્રીસ કરી પાથરી દો...બદામ,પીસ્તા,ખસખસ થી સજાવીને કાપા પાડી લો.