સૌપ્રથમ લીલા ચણાને ધોઈ લો 2 કપ પાણી ગરમ કરવા મુકો પાણી ઉકળે ત્યારે તેમાં લીલા ચણા મીઠું અને ખાંડ નાખીને ચણાને બાફી લો બફાઈ ગયા પછી ચણાની નિતારી લો (વધેલું પાણી શાકમાં એડ કરવા માટે રાખો)

હવે લસણ જીરુ,૧ ચમચી લાલ મરચું લઈને ખાંડણીમાં વાટી લો પછી તેમાં દહીં,૧ ચમચી લાલ મરચું, હળદર ધાણાજીરું અને મીઠું નાખીને મિક્સ કરીને પેસ્ટ બનાવી લો

હવે કડાઈમાં વઘાર માટે તેલ ગરમ કરો તેલ ગરમ થાય પછી રાઈ-જીરું તતડાવો પછી તેમાં હિંગ અને બધા ખડા મસાલા નાખો પછી તેમાં 1 ચમચીચણાનો લોટ નાખીને ચણાનો લોટ ને શેકી લો

પછી તેમાં તૈયાર કરેલી દહીં વાળી પેસ્ટ નાખીને તેને ધીમા તાપે બે ત્રણ મિનિટ માટે કુક કરો પછી તેમાં ડુંગળી ટામેટા ની ગ્રેવી નાખીને મિક્સ કરો ધીમા તાપે ગ્રેવી માંથી તેલ છૂટું પડે ત્યાં સુધી ગ્રેવીને કુક કરો

પછી તેમાં બાફેલા ચણા અને પાણી (બાફ્યા પછી જે પાણી વધ્યું હોય તે) ઉમેરો જરૂર લાગે તો પછી ચમચા અથવા તો મેસર વડે થોડા ચણા ને મેશ કરી લો પછી તેમાં ગોળ ગરમ મસાલો અને કસૂરી મેથી નાખીને મિક્સ કરોહવે શાકને ધીમા તાપે પાંચ મિનિટ માટે કુક કરો