સૌ પ્રથમ એક પેન માં કાળા તલ ને ઉમેરી થોડી વાર માટે ડ્રાય રોસ્ટ કરી એક બાઉલ માં કાઢી ઠંડા કરી લો. હવે એજ પેન માં ઘી ગરમ કરી તેમાં ગુંદર પાઉડર અને થોડા મોટા ગુંદર ના ટુકડા ને ફૂલી જાય એટલો તળી લો. હવે આ ગુંદર ને પણ ઘી સાથે બીજા બાઉલ મા કાઢી ઠંડો કરી લો.

હવે ઠંડા કરેલા તલ ને મિક્સર જાર માં ઉમેરી તેમાં કાજુ, બદામ, અખરોટ અને મગજતરી ના બીજ ઉમેરી પલ્સ મોડ પર ક્રશ કરી લો. હવે આમાં ગંઠોડા પાઉડર, સૂંઠ પાઉડર, ખસખસ અને સૂકા નારિયેળ નું છીણ ઉમેરી ફરીથી ક્રશ કરી લો.

હવે આ મિશ્રણ માં છીણેલો કોલ્હાપુરી ગોળ ઉમેરી ચમચીથી એક વાર હલાવી લઈ ફરીથી ક્રશ કરી લો. હવે આમાં ઘી સાથે નો તળેલો ગુંદર પાઉડર અને તલ નું તેલ ઉમેરી ફરીથી ક્રશ કરી લો.

હવે આપણું એકદમ હેલ્થી અને પૌષ્ટિક કાળા તલ નું કચરિયું તૈયાર છે સર્વ કરવા માટે. આ કચરિયાં પર સૂકા નારિયેળ નું છીણ ભભરાવી ઉપર મગજતરી ના બીજ, તળેલો ગુંદર, કાજુ, સૂકી દ્રાક્ષ, બદામ અને ટુટી ફ્રુટી ઉમેરી ગાર્નિશ કરી સર્વ કરો.