સૌપ્રથમ તુવેર દાળ ને ધોઈ અને દસ મિનિટ માટે પલાળી રાખો. ત્યારબાદ કુકરમાં બે કપ પાણી મૂકો અને તુવેરની દાળને બે સીટી વગાડી બાફી લો. હવે દાળમાં બ્લેન્ડર ફેરવી લો અને ગેસ ઉપર મીડીયમ ફ્લેમ પર ઉકળવા મૂકો. તેમાં સુરણના ટુકડા, લાલ તથા લીલા મરચાં અને ટામેટા એડ કરો.

હવે એક તપેલીમાં વઘાર માટે તેલ ગરમ કરો.તેલ ગરમ થાય એટલે તેમાં રાઈ ક્રેક કરી મેથી, તમાલપત્ર, સુકું લાલ મરચું, બાદીયા નાખો. એક મિનિટ માટે તેલમાં સાંતળી હિંગ નાખો અને ત્યારબાદ દાળને વઘારો. હવે ગેસની સ્લો ફ્લેમ પર તેને ઉકળવા દેવી.તેમાં મીઠું,ગોળનો ભૂકો, ગરમ મસાલો તથા સામગ્રીમાં દર્શાવ્યા પ્રમાણેના તમામ મસાલા એડ કરો.

સાત થી આઠ મિનિટ સુધી સ્લો ગેસ પર ઉકળવા દેવી.એકદમ સરસ સુગંધ આવવા લાગશે.લીલા ધાણા નાખી મિક્સ કરી ગેસ ઓફ કરી દેવો.