સૌપ્રથમ પાલકના પાન ની ઉકળતા પાણીમાં નાખી બે મિનિટ માટે બ્લાંચ કરી તેની પેસ્ટ બનાવી લેવી હવે એક પહોળા વાસણમાં ઘઉં અને મેંદા નો લોટ લઈ તેમાં બેકિંગ પાઉડર બેકિંગ સોડા મીઠું ખાંડ ઘી અને દહીં અને પાલકની પેસ્ટ નાખી જરૂર પડે તો એક 2 ચમચી પાણી નાખી લોટ બાંધી લેવો અને ઉપર તેલ લગાવી કલાક ઢાંકીને રાખવું.

હવે તેને મસળી એક સરખા લુવા બનાવી લેવા તથા બીજી સામગ્રી તૈયાર રાખવી.

હવે લુવો લઇ તેને લંબગોળ શેપમાં વણી તેના પર બટર લગાવી મંગરેલા, કોથમીર અને ગાર્લિક સ્પ્રેડ કરી વેલણથી હળવા હાથે વણી પ્રેસ કરી દેવું.

હવે નાનના પાછળના ભાગમાં પાણી લગાવી એ ભાગ ગરમ લોઢી પર મૂકો. જ્યારે શેકાવા આવશે એટલે નાન પર બબલ્સ થવા લાગશે.

ત્યારે સાણસીની મદદથી લોઢીને ઉંધી પકડી ડાયરેક્ટ ગેસ પર નાન ને ચારે બાજુ શેકી લેવી અને ત્યારબાદ શેકાઈ જાય એટલે તવેથા ની મદદથી કાઢી નીચે ઉતારી લેવું. તો ફોટામાં બંને ભાગ જોઈ શકાય છે.