સૌપ્રથમ રાજમા ને ૭-૮ કલાક પાણીમાં પલાળી રાખો અને ત્યારબાદ કૂકરમાં બાફી લો. બફાઈ જાય એટલે તેમાં થી પાણી નિતારી લો.

એક કઢાઈમાં તેલ ગરમ કરી તેમાં ઝીણી સમારેલી લીલી ડુંગળી અને વાટેલું લસણ સાંતળો. ત્યારબાદ તેમાં ટમેટું અને કેપ્સીકમ ઉમેરીને સાંતળો. સ્વાદ પ્રમાણે મીઠું, કાળા મરી પાવડર, રેડ ચીલી સોસ, ચીલી ફ્લેક્સ, ઓરેગાનોઅને ટોમેટો કેચઅપ ઉમેરીને મિક્સ કરો

હવે તેમાં બાફેલા અમેરીકન મકાઈના દાણા અને રાજમા ઉમેરીને મિક્સ કરો. પૂરણ તૈયાર છે.

હવે એક ટોર્ટીલા ઉપર કિનારી છોડી પૂરણ પાથરી તેના ઉપર છીણેલી ચીઝ પાથરો. ટોર્ટીલા ની કિનારી પર સહેજ ઘઉં ની લુગદી લગાવો. હવે તેની ઉપર બીજો ટોર્ટીલા મૂકી કિનારી દબાવી બંધ કરી દો. ગરમ તવા પર બન્ને બાજુ તેલ થી શેકી લો. મેક્સિકન કસાડીઆ તૈયાર છે. તેને ટોર્ટીલા સૂપ સાથે પરોસો.

હવે એક કઢાઈમાં પાણી ઉમેરીને તેમાં સમારેલાં ટામેટાં અને ગાજર ને ઉમેરીને ચઢવા દો. ટામેટાં અને ગાજર નરમ થાય ત્યાં સુધી થવા દો. ત્યાર બાદ તેને થોડા પાણી સાથે મિક્સરમાં પીસી લઈ ગરણી થી ગાળી લો. હવે એક પેનમાં બટર ગરમ કરી તેમાં ઝીણી સમારેલી ડુંગળી અને વાટેલું લસણ સાંતળો.

હવે તેમાં તૈયાર કરેલી ટોમેટો ગાજર ની પ્યુરી ઉમેરો. જરૂર મુજબ પાણી ઉમેરો. સ્વાદ પ્રમાણે મીઠું, કાળા મરી પાવડર, ચીલી ફ્લેક્સ, ઓરેગાનો, ખાંડ ઉમેરી મિક્સ કરો.કોનૅ ફ્લોર સ્લરી ઉમેરીને મિક્સ કરો. સૂપ ઉકળે એટલે તેમાં બાફેલા અમેરીકન મકાઈના દાણા ઉમેરો.