કોફતા બનાવવા ના ઉપર ના પડ માટે પાલક ને બરાબર ધોઈ ૩થી૪ મિનિટ બાફી લો. પછી તેમાથી પાણી કાઢી પાલક ને ઠંડા પાણીથી ધોઈ લો. મીક્ષર મા લઈ પીસી પેસ્ટ બનાવી દો. પછી અેક પેન માં પાલક ની પેસ્ટ નાખીને હલાવી લો. ૨ મિનિટ સુધી સાંતડો. તે મા મીઠું, ચણા નો લોટ અને કોનॅફલોર ઉમેરો અને ૨ મિનિટ સુધી સાંતડો. એકદમ ઘાટ થાય ત્યાં સુધી હલાવી લો. આદુ મરચાની પેસ્ટ નાખી હલાવી લો.થાળી મા ઠંડુ કરી લો.

અંદર ના સટફીંગ માટે પનીર ને છીણી લો. તેમાં મીઠું, ચીલી ફ્લેક્ષ, પીરી પીરી મસાલો, લીલા ધાણા ઉમેરો. હાથ વડે મિક્ષ કરી નાના ગોલા બનાવી દો.

હવે હાથ પર તેલ લગાવી પાલક નુ મિક્ષ્ચર લઈને થોડુ પહોળું કરીને તેમાં પનીર નો ગોલા રાખી દબાવી ગોળ આકાર આપી કોફતા બનાવવા. બધા જ એવી રીતે તૈયાર કરી લો. તેલ ગરમ કરી લો. કોફતા કોનॅફલોર મા રગદોળી તેલ ગરમ થાય પછી ધીમે તાપે તળી લેવું.

કરી બનાવવા માટે એક ડીસ મા ડુંગરી, ટામેટા, કાપી લો. તજ, લવિંગ, મરી, તજ પતુ, ખસખસ, મગજતરીબી, કાજુ, એલચી. લઈ લો. પેન મા તેલ ગરમ કરી લો અને બધી વસ્તુઓ ઉમેરો. મીઠું નાખીને હલાવી દો. આદુ મરચાની લસણ ની પેસ્ટ ઉમેરી બરાબર હલાવી ઢાંકી દેવું અને ૪થી૫ મિનિટ સુધી સાંતડો. ઠંડુ થવા માટે રાખી લો. ઠંડુ થાય પછી મીક્ષર મા પીસી પેસ્ટ બનાવી દો.

ફરી એક પેન મા તેલ અને બટર મિક્ષ કરી લો. બનાવેલી ગ્રેવી ઉમેરી બરાબર હલાવી લો.૨થી૪ મિનિટ સુધી સાંતડો. પછી બધા સુકા મસાલા તથા કસુરી મેથી મસળીને ઉમેરી લો. મલાઈ અને ખાંડ નાખી હલાવી લો. ૪થી૬ મિનિટ સુધી સાંતડો. તેલ છુંટુ પડે ત્યારે ઉતારી લો.