गिलके धूवून पूसून कोरडे करून मध्य भागी चिर पाडून एका गिलक्याचे ३ ते ४ काप करावेत. आले खोबरे व लसूण मिक्सर मधून बारीक करून घ्यावे

सर्व मिश्रण मिक्सर मधून काढून घेणे व टोमॅटोची प्युरी तयार करून घेणे

मिक्सर मधून आपण जो मसाला तयार केला तो टोमॅटोची प्युरी लाल मिरची पावडर मीठ शेंगदाणे कूट हे सर्व एकत्र मसाला तयार करून चिरलेल्या गिलक्यांमध्ये भरून एका कढईत तेलात जीरे मोहरीची फोडणी करुन त्यात हे भरलेले गिलके परतवून झाकण ठेवून वाफेवर शिजवून घ्यायची.

गिलके कोवळी असल्याने झाकण ठेवल्यामुळे पाणी न घालता आपोआप भाजीला पाणी सुटते. व एका वाफेवर ही चविष्ट व रुचकर भाजी झटपट तयार होते.ही भाजी पौष्टिक व फायबरयुक्त असल्यामुळे सर्व आवडीने खातात.तुम्हीही नक्की करून बघा.