प्रथम टँगी फ्लेवर बनविण्यासाठी लेमन फिलिंग करून घ्यावे. व ते १५ ते २० मिनिटे गार करण्यासाठी ठेवावे. तर त्यासाठी एका बाऊल मध्ये पाणी घेऊन त्यात साखर, कॉर्न फ्लोअर, लिंबाचा रस, पिवळा कलर मी इथे हळद घातली आहे हे सर्व साहित्य घालावे

पॅनकेक बनविण्यासाठी एका बाऊल मध्ये मैदा, पिठीसाखर,अमूल बटर, बेकिंग सोडा व वरून थोडे मीठ टाकावे या मिश्रणात थोडे थोडे दूध घालून त्याचे पातळ बॅटर करावे.

एका तव्यावर साजूक तूप घालून त्यावर हे छोटे छोटे पॅनकेक करून घ्यावेत. पॅनकेक ला मस्त जाळी सुटली की ते पलटून घ्यावेत. व दुसऱ्या बाजूने खरपूस भाजून घ्यावे. अशाप्रकारे आपले जाळीदार पॅनकेक तयार होतात.

आता हे टँगी लेमनी पॅनकेक अरेंज करण्यासाठी ते एकावर एक ठेवावे. दोन पॅनकेक मध्ये थोडे थोडे लेमन चे फिलिंग भरावे. अशाप्रकारे सर्व पॅनकेक रचून घ्यावे व शेवटी त्यावरून तयार केलेले लेमन फिलिंग वरतून ओतून घ्यावे. आता हे पॅनकेक बेदाणे घालून सर्वांना सर्व्ह करावे.