आंब्याचा गर आणि 1 वाटी गुळ दोन्ही मिक्सर मध्ये फिरवून घ्यावे. नंतर एका भांड्यात रवा व गव्हाचे पीठ घालावे, यातच मिक्सर वर बारीक केलेला पल्प मिक्स करावा. पाव वाटी तूप पण रव्यामधे मिक्स करून घ्या. लागेल तसे दुध घालून मिक्स करावे व बॅटर सॉफ्ट करून घ्यावे. या मिश्रणात थोडे ड्रायफ्रूटस् पण टाकून १५-२० मिनीटे झाकून ठेवावे.

१५-२० मिनीटांनंतर केकच्या मिश्रणात बेकिंग पावडर व बेकिंग सोडा मिक्स करून घ्या. भिजल्या मुळे मिश्रण घट्ट होते लागेल तसे दुध घालून मिक्स करावे व बॅटर सॉफ्ट करून घ्यावे. केकच्या टिनला थोडेसे तूप लावून ग्रीस करून घ्या.

गॅसवर जाड कढईत तळाला मीठ टाकून मी गरम करायला ठेवली होती. आता या कढईत स्टॅंड ठेऊन त्यावर केकचा बॅटर पसरवून घेतलेला टिन बेकिंग साठी ३५-४० मिनीटे झाकून ठेवावा. केकचे बॅटर टिनमध्ये टाकल्यावर मी वरून टुटी फ्रुटी घातली आहे....

४० मिनीटे झाल्यावर केक छान बेक होतो. कट करून सर्व्ह करा..... टी टाइम स्नॅक्ससाठी छान ऑप्शन आहे मँगो केक....