तांदूळ व डाळी स्वच्छ धुवून घेणे व पाणी घालून 1-2 तास भिजत ठेवावे. मिक्सरच्या भांड्यामध्ये भिजवलेले डाळ, तांदूळ घालून घेणे. हिरव्या मिरच्या, कोथिंबीर, लसूण पाकळ्या घालून व थोडेसे पाणी घालून एकदम बारीक वाटून घ्यावे.

वाटलेले मिश्रण एका पातेल्यात काढून घेणे. त्यात धने-जीरे पावडर,मीठ घालून मिक्स करून घेणे.

गॅसवर तवा तापत ठेवावा.तवा तापला की गॅस मंद आचेवर ठेवून पळीने डोसा घालून घेणे व झाकण ठेवावे. गॅस मध्यम आचेवर करावा. झाकण काढून डोसा वरून शिजला की उलटवून 1 मिनिटे भाजून घेणे किंवा नाही भाजला तरी चालेल. **डोसा घालताना गॅस मंद आचेवर ठेवावा. घालून झाल्यावर मध्यम आचेवर ठेवावा. अशाप्रकारे सर्व डोसे करून घ्यावे.

मिक्सरच्या भांड्यामध्ये खोबरे तुकडे, कोथिंबीर, हिरव्या मिरच्या, डाळवं, जीरे,मीठ, साखर, लिंबाचा रस व थोडे पाणी घालून बारीक वाटून घ्यावे. खोबर्याची चटणी तयार!