सुरुवातीला कचोरी करण्याकरता पारी तयार करावी लागेल. त्यासाठी आपण मैदा मळून घेऊ. त्यासाठी एका वाडग्यात मैदा घेऊन, त्यात कडकडीत तेल करून मोहन टाकावे. चिमूटभर मीठ टाकावे आणि छान मिक्स करून घ्यावे.

आता दुसरी कडे एका पॅनमध्ये जीरे धने आणि सोप घेऊन किंचीत सोनेरी रंगावर, त्याचा सुवास सुटेपर्यंत भाजून घ्यावी. भाजलेले हे मिश्रण जाडसर बारीक करून घ्यावे आणि बाजूला ठेवावे.

एका कढईत तेल टाकुन ते गरम झाल्यावर त्यात आले लसूण मिरचीची पेस्ट टाकावी. छान परतून घेतल्यावर त्यात हळद तिखट गरम मसाला टाकून मिक्स करून घ्यावे.

आता या मिक्स झालेल्या मसाल्यात बेसन टाकावे.

बेसन छान खमंग सुवास सुटेपर्यंत आणि त्याचा चांगला रंग बदलेपर्यंत परतून घ्यावे. नंतर त्यात जाड बारीक केलेले धणे-जीरे सोपे चे मिश्रण टाकावे. चाट मसाला टाकावा. आणि चवीनुसार मीठ टाकावे.

चांगले मिक्स करून घेतल्यानंतर त्यावर पाण्याचा हबका द्यावा. लिंबाचा रस टाकावा, साखर टाकावी, आणि पुन्हा एकदा छान मिक्स करून घ्यावे, दोन मिनिट झाकण ठेवून त्याची वाफ काढून घ्यावी. अशाप्रकारे हे कचोरीचे सारण तयार झालेली आहे.

आता बाजूला ठेवलेले मिश्रण पुन्हा एकदा चांगले मळून घ्यावे त्याची सारख्या आकाराचे गोळे तयार करून घ्यावे एक गोळा घेउन त्याची हातानेच पारी तयार करून घ्यावी आणि त्यात कचोरीचे सारण भरावे हाताने त्याचे मोदकासारखा आकार देऊन हाताने दाबून घ्यावे आणि थोडेसे लाटण्याने लाटून घ्यावे अशाप्रकारे कचोरी तयार करून घ्यावे तोपर्यंत गॅसवर कढई ठेवून त्यात तेल तापत ठेवावे

गरम झालेल्या तेलात, नंतर गॅस मध्यम आचेवर करून, क चोर्‍या टाकुन चांगल्या सोनेरी रंगावर तळून घ्याव्यात. छान खुसखुशीत होतात...

अशा प्रकारे ही छान खुसखुशीत कचोरी, चटणीसोबत किंवा तळलेल्या हिरव्या मिरची सोबत गरमा गरम खाण्यास द्यावेत.